Om stillingen
Er du ein initiativrik og serviceinnstilt person? Vil du vere med å leggje til rette for gode kulturopplevingar for eit variert publikum? Nynorsk kultursentrum, musea for skriftkultur, har ledig vikariat (100 prosent) som vertskapsansvarleg ved Aasentunet i Ørsta frå 1. mars til 31. desember 2026.
Hva vi ser etter
Krav og kvalifikasjonar
Vi søkjer deg med fagbrev i sal, reiseliv eller tilsvarande fagområde og kompetanse. Erfaring frå liknande arbeid kan kompensere for formell kompetanse. Det er ein fordel om du har erfaring med kassasystem, oppgjer, varebestilling og lagerteljing.
Arbeidsoppgaver
Arbeidsoppgåver
Vertskapsansvarleg i Aasentunet er publikums første møte med museet. Du organiserer kafé- og butikktilbod, gruppebesøk og aktivitetar i museet. I samband med Festspela har du ansvar for frivillige, kafétilbodet og enkelte eksterne samarbeid. Du vil også ha ansvar for marknadsføring ved å oppdatere sosiale medium med arrangement, hendingar og tilbod i kafeen.
Vertskapsansvarleg betener resepsjon, sentralbord, butikk og kafé i opningstidene i vekedagane. Det er høgt tempo i enkelte periodar, og du må kunne jobbe sjølvstendig, samarbeide godt med andre og sjonglere fleire oppgåver samtidig.
Den som blir tilsett må rekne med nokre reiser i tillegg til noko helge- og kveldsarbeid.
Vi tilbyr
Vi tilbyr
Alle nye medarbeidarar får grundig opplæring. Hos oss nyttar alle nynorsk i skriftleg kommunikasjon. Nynorsk kultursentrum er medlem i arbeidsgivarorganisasjonen Virke og tilbyd ein idémyldrande bedriftskultur, engasjerte kollegaer, medlemskap i Statens pensjonskasse, avtalefesta pensjon, gruppelivsforsikring. Løn etter avtale.
