Vernepleiar eller sjukepleiar til medlevarturnus
Om stillingen
Er du vår nye kollega? Vi har to kollegaer som skal ut i foreldrepemisjon og har difor to 100 % vikariat som vernepleiar eller sjukepleiar i medlevarturnus. Tilredning 01.09.25 eller etter avtale.
Miljøarbeidertenesta yter i dag teneste til omlag 60 brukarar med utviklingshemming og/eller psykiske lidingar. Vi har ca. 68 årsverk fordelt på åtte avdelingar. Her arbeider sjukepleiarar, vernepleiarar, miljøterapeutar, fagarbeidarar og assistentar saman for å tilby tenester av høg fagleg kvalitet.
Miljøarbeidertenesta sitt overordna mål er å levere teneste som bidreg til at brukarane får leve gode liv i tråd meg eigne føresetnadar, ynskje og behov. Dette stiller krav til relasjonskompetanse, eignaheit og individuelt tilpassa tenesteyting i tråd med lovverk, nasjonale og lokale føringar. Du vil arbeide brukarnært med mellom anna utarbeiding av mål- og tiltaksbeskrivingar, miljøarbeid, psykisk og somatisk helseoppfølging, og legemiddelhandtering.
Stillingane er lagt til avdeling Åsateigen og avdeling Myklebusttunet. Ta gjerne kontakt dersom du har spørsmål til stillingane.
Hjå oss kan du få
- Ein turnus som er organisert som døgnvakt med arbeid kvar 4.helg. Du jobba 2 døgn i vekedagane og tre døgn på helg, med påfølgande friperioder på ca. seks dagar. I tillegg til døgnvakter har vi personalmøter, fagmøter etc som er lagt i turnus inntil seks gangar i løp av turnusåret. Vi sender gjerne døme på turnus.
- Opplæring og rettleiing på arbeidsstaden og via kurs som sikrer at du har den kompetansen du treng for å gjennomføre arbeidsoppgåvene dine.
- Eit engasjerande og inkluderende fagmiljø. Arbeid med fag og fagutvikling, til dømes gjennom deltaking i fagnettverk og eigne fagmøter felles for Miljøarbeidartenesta.
- Tilsetting, lønn og arbeidsvilkår i samsvar med gjeldande lovverk, reglement og tariffavtale.
Arbeidsoppgåver
Oppgåvene er brukarretta og består mellom anna av:
- Hjelp til daglege praktiske gjeremål
- Helseoppfølging
- Miljøarbeid og aktivitet
- Observasjon og dokumentasjon
- Primærkontaktoppgåver
Kvalifikasjonar
- Norsk autorisasjon som vernepleiar eller sjukepleiar
- Gode norskkunnskapar, både munnleg og skriftleg
- Kunne nytte journal- og fagsystem
- Førarkort kl. B
Personlege eigenskapar
- Du er pådrivar for å skape ei god teneste for brukarane og bidreg til eit godt arbeidsmiljø
- God evne til kommunikasjon og er flink til å bygge relasjonar
- Fleksibel, løysningsorientert og likar utfordringar
- Viktig verdiberar knytt til kunnskap, omsorg, mot og tillit
- Trygg i rolla, ansvarsbevisst og kan ta sjølvstendige avgjerdsler.
Personleg eignaheit vil bli vektlagt i stor grad.
For tilsetting gjeld ei gjensidig prøvetid på seks månadar. Det må leverast tilfredsstillande politiattest før tiltreding.
Kontaktinformasjon
Kristine Eide Ryssdal, Avdelingsleiar Myklebusttunet, Nordåsen og Bustad, +47 911 39 159Ann Iren Festervoll, Konstituert tenesteleiar Miljøarbeidertenesta, +47 970 96 104, [email protected]
Arbeidsstad
Grandavegen 96823 Sandane
Nøkkelinformasjon:
Arbeidsgivar: Gloppen kommuneReferansenr.: 4973281910
Stillingsprosent: 100%
Vikar
Startdato: 01.10.2025
Søknadsfrist: 25.06.2025
Miljøarbeidertenesta, Gloppen kommune
Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.
