Ungjobb 2026

Om stillinga

UngJobb er eit initiativ frå Ungdomsrådet i Gloppen for å tilby sommarjobb og småjobbar for ungdom frå 8. klasse til Vg2. No i denne omgang kan vi tilby 2 veker jobb i sommar til 5-6 ungdomar. Tidspunkt vert du samd med arbeidsplassen om. Vi tilbyr følgande mogelegheit for jobb sommaren 2026:

• Mona barnehage, Sandane - arbeid i barnehagen. Kontaktperson er Else L. Bakkelid
• Gloppen kommunale kjøkken, Sandane - arbeid på kjøkkenet, søkjar bør helst gå på Vgt1 eller Vg2. Kontaktperson er Jean Daniel Tenud
• Hyen skule og barnehage, Hyen - arbeid på SFO/barnehage. Kontaktperson er Anne Kristin Eimhjellen.
• Kyrkja i Gloppen - arbeid på gravplassane, søkjar bør helst vere fyllt 16 år for arbeid med maskiner. Kontaktperson er Audun Mundal

Skriv ein søknad og ta gjerne kontakt med arbeidstadane du kan tenkje deg å jobbe. I søknaden prioriterar du kva arbeidstad du helst vil jobbe på, eller om du er interessert i alle. Du må rekne med at det vert ei jobbsamtale før tilsetting.

Ungdomsrådet og kommunen inviterer til info og dialog om ungdom i jobb onsdag 29. april kl. 19 i kommunestyresalen. Både ungdom, foreldre, arbeidsgivarar og privatpersonar som kan ha små og store arbeidsoppdrag er velkomne! De får høyre om krav og reglar, og kan stille spørsmål. Veronica Hauge og Landbrukstenester Nordfjord blir med, og det blir info om nokre kommunale sommarjobbar som er ligg ute no. Meir info på kommunen si nettside, under aktuelt: UNGjobb. (https://gloppen.kommune.no/aktuelt-og-nyheiter/ungjobb-mote-om-ungdom-og-jobb.202866.aspx)

Nøkkelinformasjon

Søknadsfrist:

10.05.2026

Arbeidsgivar:

Gloppen kommune

Stillingstittel:

Ungjobb 2026

Stillingar:

5

Heiltid / Deltid:

Heiltid

Tilsetjingsform:

Sommarjobb

Stillingsprosent:

100

Webcruiter-ID:

5110310793

Sosial deling :

Del på X

Del på LinkedIn Del på Facebook Del på e-post

Arbeidsoppgåver

Arbeidsoppgåvene vil vere varierte og tilpassa din alder alt etter kva arbeidsstad du jobbar på. Du må elles arbeide etter dei rutiner som gjeld på den aktuelle avdeling.
Kvalifikasjonar

Du treng ingen spesielle kvalifikasjonar anna enn at du er motivert for å jobbe og kan møte opp til avtalt tid og gjere dei oppgåvene du vert sett til. Du vil få nødvendig opplæring.

Personlege eigenskapar

• Du går på ungdomsskulen eller på Vg1 eller Vg2 på vidaregåande skule.
• Du har ikkje anna sommarjobb frå før.
• Du er punktleg, fleksibel og kan ta ansvar og initiativ.
• Du kan arbeide sjølvstendig og har gode samarbeidsevner.
• Du kan snakke norsk

Vi tilbyr

• Tilsetting, lønn og arbeidsvilkår i samsvar med gjeldande lovverk, reglement og tariffavtale.
• God opplæring og oppfølging.

Det må leverast tilfredsstillande politiattest før tiltreding i nokre av jobbane.

#Sommarjobb #Sommarjobbivest #Sommerjobbivest

Adresse: Gloppen kommune, Grandavegen 9, 6823 Sandane

Klikk for å leggje til kart

Kontaktinformasjon

Jean Daniel Tenud

Avd.leiar kjøkken

Telefon: 99242807

Audun Mundal

Kyrkjeverge

Telefon: 40280027

Anne Kristin Eimhjellen

Rektor

Telefon: 92407655

Else Lundestad Bakkelid

Styrar

Telefon: 97095123

Per Arne Strand

Kommunalsjef Oppvekst

Telefon: +47 957 78 875

Om arbeidsgivaren

Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 - 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.