Undervisningsstillingar

350% undervisning i fellesfag (engelsk, norsk, matematikk m.fl.) og samfunnsfaglege programfag, inkludert psykologi programfag, på studiespesialisering

Vi søkjer pedagogar med undervisningskompetanse i fellesfaga engelsk, norsk, matematikk/naturfag, kroppsøving, samfunnskunnskap, historie og programfag sosiologi og sosialantropologi, eventuelt sosialkunnskap. Totalt lyser vi ut inntil 300% mellombels frå 01.08.2025 - 31.07.2026.

I tillegg lyser vi etter pedagog med undervisningskompetanse i psykologi programfag (inntil 56% fast som kan kombinerast med mellombels i andre fag dersom søkar har aktuelle fag i fagkrinsen).

Stillingane er knytt til både yrkesfagleg og studieførebuande utdanningsprogram på Vest-Telemark vidaregåande skule.

Vi gjer merksam på at behova, per i dag berekna til 350%, kan bli påverka av løysingar knytt til søkartal, overtal i fylket, permisjonar o.a. som kjem til i løpet av søknadsprosessen. 

Arbeidsoppgåver

Undervisning i

• norsk, engelsk, matematikk og/eller naturfag på yrkesfag og i kombinasjonsklasse (grunnskuleopplæring) og/eller støtteundervisning
• kroppsøving, samfunnskunnskap og historie i klasser på yrkesfag/studiespesialisering
• programfag på programområdet for språk og samfunnsfag på studiespesialisering/påbygging til studiekompetanse (sosiologi og sosialantropologi, sosialkunnskap og psykologi)

Kvalifikasjonar

Vi ynskjer medarbeidarar med formell undervisningskompetanse; adjunkt eller lektor med PPU eller tilsvarande praktisk-pedagogisk utdanning.

Tilleggsutdanning i spesialpedagogikk eller fleirkulturell pedagogikk i kombinasjon med basisfag som matematikk, norsk og engelsk vil vere ein styrke. Det same gjeld klasseromserfaring med slik pedagogikk.

Erfaring frå undervisning i vidaregåande eller ungdomstrinnet vil bli lagt vekt på.

Vi ynskjer å tilby heile stillingar, men skulen sine behov avgjer stillingsprosent og fagkombinasjon for den enkelte.

Personlege eigenskapar

Vi søkjer medarbeidarar som

• har god relasjonskompetanse og evne til klasseleiing
• har gode samarbeidsevner og samstundes evne til å arbeide sjølvstendig og ta initiativ
• er samvitsfulle og strukturert i arbeidet

Personlege eigenskapar blir lagt vekt på. 

Vi tilbyr

Ved Vest-Telemark vidaregåande skule blir du del av eit inkluderande arbeidsmiljø. For regionen utgjer skulen ein kompetansearbeidsplass med rom for fagleg utvikling og deltaking i eit spennande profesjonsfellesskap.  

Vi tilbyr varierte arbeidsdagar og arbeidstid i tråd med gjeldande avtaler for pedagogar i undervisningsstilling. Det vil seie eit komprimert arbeidsår med fri i skulen sine feriar.

I undervisningsstillingar har du også rett på ei av dei sikraste pensjonsordningane i Noreg: offentleg tenestepensjon. Der dei fleste tenestepensjonar berre vert utbetalt i 10 år, er offentlig tenestepensjon ei utbetaling som varer livet ut frå den dagen du sluttar å arbeide.
Pensjonen har inkludert uføre- og etterlattepensjon.

Kontaktinformasjon

Åsne Berge, Avdelingsleiar undervisning, 95878252, [email protected]

Arbeidsstad

Storvegen 195
3880 Dalen

Nøkkelinformasjon:

Arbeidsgivar: Telemark Fylkeskommune

Referansenr.: 4929038153
Stillingsprosent: 100%
Vikar
Startdato: 01.08.2025
Sluttdato: 31.07.2026
Søknadsfrist: 31.03.2025