Tilkallingsvikar
Om stillingen
Miljøarbeidartenesta treng tilkallingsvikarar.
Miljøarbeidertenesta i Gloppen yter i dag tenester til omlag 60 brukarar med mellom anna utviklingshemming og psykiske lidingar. Vi har 68 årsverk fordelt på åtte avdelingar. Her arbeider sjukepleiarar, vernepleiarar, miljøterapeutar, fagarbeidarar og assistentar tverrfagleg med overordna mål om å levere teneste som bidreg til at brukarane får leve gode liv i tråd meg eigne føresetnadar, ynskje og behov.
Vi ønskjer gjerne fagarbeidarar innan helse og omsorg. Du kan også jobbe som tilkallingsvikar hos oss, utan helsefagleg bakgrunn. Det er ein føresetnad at du har eit engasjement for brukargruppa, er villig til å lære, få rettleiing av helsepersonell og arbeide etter gjeldande planar og lovverk.
Som tilsett hjå oss vil du få ein meiningsfull og spennande jobb i eit godt arbeidsmiljø med engasjerte og kvalifiserte kollegaer. Du vil få opplæring og høve til å bidra i det miljøterapeutiske arbeidet.
Vurdering av søknadane og tilsetting vil bli gjort fortløpande.
Arbeidsoppgåver
Oppgåvene er brukarretta og består mellom anna av:
- Hjelp til daglege gjeremål som personleg hygiene, reinhald, handling og matlaging
- Følge til aktivitet
- Observasjon og dokumentasjon
Kvalifikasjonar
- Autorisert helsefagarbeidar
- Førarkort klasse B
- Gode norskkunnskapar, både munnleg og skriftleg
- Kjennskap til IKT - for å kunne nytte fagsystem og ta del i digitale kurs
- Erfaring frå liknande arbeid
Dersom det ikkje melder seg søkjarar med relevant utdanning, kan andre med kunnskap og interesse for arbeid med stell og pleie av mennesker med ulike hjelpebehov vere aktuelt.
Personlege eigenskapar
- Interesse for faget og brukargruppa
- Samarbeidsvilleg og fleksibel
- Løysingsorientert
Vi tilbyr
- Tilsetting, lønn og arbeidsvilkår i samsvar med gjeldande lovverk, reglement og tariffavtale.
- spennande og lærerik arbeidskvardag
Det må leverast tilfredsstillande politiattest før tiltreding.
Kontaktinformasjon
Ann Iren Festervoll, Tenesteleiar Busetting og integrering, 97096104, [email protected]Arbeidsstad
Grandavegen 96823 Sandane
Nøkkelinformasjon:
Arbeidsgivar: Gloppen kommuneReferansenr.: 4978104534
Stillingsprosent: 0%
Fast
Søknadsfrist: 22.06.2025
Miljøarbeidertenesta, Gloppen kommune
Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.
