Siw Waage Solvåg

Teamleiarar

OmrådeKvam

Publisert6.10.2025

Søk senest19.10.2025

Om stillingen

Går du med ei leiarspire i magen?

Øysteseheimen ligg sentralt i Øystese og har 28 pasientrom fordelt på tre etasjar. Me tilbyr no ei spennande stilling i kombinasjon som teamleiar(40%) og sjukepleiar/vernepleiar (60%).

Som teamleiar får du ansvar for ein etasje med 8–10 langtidspasientar. Du vil følgje opp rutinar, lærlingar og nytilsette, sørgje for opplæring og bidra i den daglege drifta. To dagar i veka arbeider du administrativt saman med dei andre teamleiarane og leiaren for Øysteseheimen. Leiarteamet består av tre teamleiarar og gruppeleiar.

Øysteseheimen har vore i gjennom fleire prosjekt dei siste to åra og er framleis i utvikling.

Bemannigsprosjekt med kartlegging av oppgåver og behov gjennom døgnet.
Matvertprosjekt med innføring av matvertar og eige kjøkkenpersonale.
TØRN - KS-prosjekt innan tenestestyrt bemanning og samarbeid med andre kommunar.

Me er ei framtidsretta avdeling i stadig utvikling. Samfunnet er i endring og talet på eldre vil auke i åra som kjem. Som teamleiar hos oss vil du få høve til å påverke framtidas eldreomsorg i Kvam.

Er du sjukepleiar eller vernepleiar, og brenn for leiing? Då kan dette vera jobben for deg !

Arbeidsoppgåver

Bindeledd mellom leiar på Øysteseheimen og tilsette i avdelinga
Ansvar for opplæring for nytilsette i avdelinga i samarbeid med leiar
Saman med leiar bidra til å styrke samarbeid og arbeidsmiljø
Oppfyljing av lærlingar og studentar
Stedfortredar for leiar ved feriar og fråvær
Ansvar for daglege rutinar i din etasje: fagleg oppfyljing av pasientar, fagutvikling for tilsette, leiarstøtte til leiar og teamleiarkollegaer, samt sjukepleiaroppgåver på huset.
Administrative oppgåver i turnussystem (GAT) med innleige av vakter, tilrettelegging av turnus mm.

Kvalifikasjonar

Norsk autorisasjon som sjukepleiar eller vernepleiar
Relevant utdanning og/eller erfaring innan opplæring og undervisning er ein fordel
Gode norskkunnskapar både skrifteleg og munnleg, minimum nivå B2
Alle som yter tenester etter Helse og omsorgslova skal levera politiattest. Den som vert tilsett må derfor legga fram politiattest av ny dato, denne skal ikkje leggast ved søknaden .
Ber om at du lastar opp vitnemål og attestar i søknaden

Personlege eigenskapar

Me søker deg som:

Har evne til å motivere, rettleia og engasjera
Er samlande og trygg
Har gode og kommunikasjons - og samarbeidsevner
Jobbar strukturert og tar ansvar for tildelte oppgåver
Er fleksibel og løysingsorientert
Bidreg til å skapa eit godt og lærerikt arbeidsmiljø og ein positiv kultur
Jobbar godt både sjølvstendig og i nært samarbeid med andre

Me tilbyr

Ei spennande og lærerik avdeling med varierte arbeidsoppgåver og dyktige kollegaer
Samarbeid med gruppeansvarleg på andre avdelingar
Dersom du ynskjer å ta ei vidareutdanning innan leiing, legg me til rette for det
Stillinga er for tida knytt til turnusarbeid med arbeid dag og kveld, samt helgearbeid. Fleirtalet av vaktene dine i vekedagane vil vera dagtid
Løn etter avtale. Lokalt rekrutteringstillegg på kr 40 000 som sjukepleiar/vernepleiar + tillegg som teamleiar
Gode pensjons-/og forsikringsordningar

Generell informasjon

Søknadar må sendast via Webcruiter for å verta registrert på utlysingssaka
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.