Spiren Gardsbarnehage søkjer barnehagelærar/pedagog i vikariat frå september 25- mai 26

Spiren Gardsbarnehage SA er ein privat, Steiner-inspirert barnehage som ligg midt på gardstunet til Sogn Jord- og Hagebruksskule i Aurland. Spiren har 24 plassar, frå 0-6 år. Vi held til i eit gamalt sjarmerande trehus, og har fjord, fjell og skog som næraste naboar. Vi følgjer årstidene og livet på garden, og er mykje ute i naturen. Vi et økologisk mat, og mykje av maten kjem rett frå garden. Vi har årstidsfestar som til dømes Mikkelsmesse, Lanternefest, Adventshage og Solfest. Årstidsbordet speglar året sin gang.

Vi søkjer ein pedagog i fullt svangerskaps-vikariat med tiltreding i september 2025 og til mai 2026, med eventuelt mogelegheit for forlenging.

Spiren er medlem i Private Barnehagers Landsforbund, og følgjer deres tariff og pensjonsavtalar.

Det er krav om gode norskkunnskapar og framvising av gyldig politiattest før tilsetting.

For meir informasjon: http://sjh.no/livet-pa-skulen/gardsbarnehage/ eller [email protected]

Dette er ein jobb for deg som ynskjer å arbeida med natur og gardsrelaterte aktivitetar i lag med barna. Aurland er ei lita bygd med eit ungt miljø, og kan by på fantastiske turmoglegheitar for dei som likar det.