Spesialsjukepleiar /sjukepleiar

Akutt heimebehandlingsteam (AHT) ved DPS Volda ambulant seksjon har ledig stilling som spesialsjukepleiar/sjukepleiar frå 8. mars 2026.

DPS Volda ambulant seksjon er ein del av Klinikk for psykisk helse og rus i Helse Møre og Romsdal. Seksjonen består at tre team: Ambulant allmennteam (AAT), Assertive Community Treatment team (ACT) og Akutt heimebehandlingsteam (AHT).

AHT - Akutt heimebehandlingsteam er ein del av spesialisthelsetenesta sitt akuttpsykiatriske tilbod. AHT tilbyr heimebehandling til menneske som opplever symptom på akutt psykisk liding eller akutt forverring av psykisk liding med mål om å unngå unødvendig akuttinnlegging ved psykiatrisk avdeling. Teamet er tverrfagleg og består av psykiater og tilsette som har helsefaglege utdanningar med relevante vidareutdanningar.

I AHT står brukarperspektivet sterkt i form av at ein behandlar pasientar heime i kjent miljø, på pasienten sine premissar, slik at pasientane får utvikle meistringsstrategiar som fungerer i heimemiljøet. I heimebehandling er relasjonen mellom behandlar og pasient meir likeverdig, noko som kan styrke pasienten si stemme og rett til medverknad. Teamet samarbeider ofte med kommunehelsetenesta for å få til best mogleg resultat for den som har fått ei psykisk liding.

Seksjonen har kontorlokale i Volda sentrum. 

Interne omrokkeringar kan gi andre ledige stillingsprosentar i seksjonen.

Arbeidsoppgåver

• Heimebehandling til pasientar med symptom på akutt psykisk liding eller akutt forverring av psykisk liding
  
• Vurdering av pasientar med psykiske lidingar, og vere med å avgjere vidare behandlingsforløp
  
• Bruk av standardiserte og strukturerte kartleggingsverktøy
  
• Dokumentere i journal
  
• Delta på behandlingsmøter
  
• Medisinadministrasjon
  
• Utføre generell og systematisk klinisk undersøking og vurdering av pasientar
  
• Arbeid i to-delt turnus

Kvalifikasjonar

• Norsk autorisasjon som sjukepleiar
  
• Ønskeleg med erfaring frå akutt psykisk helsevern i spesialisthelsetenesta
  
• Ønskeleg med vidareutdanning i psykisk helsearbeid. Søkarar utan vidareutdanning kan bli vurdert til stillinga mot at ein startar på vidareutdanning innan to år.
  
• Førarkort
  
• Gode norskkunnskapar
  

Personlege eigenskapar

• Du er fagleg sterk
• Du har god kommunikasjons- og samarbeidsevne
• Du har evne til å arbeide både i team og sjølvstendig
• Du har evne til sjølvstendig å kunne tilegne deg ny kunnskap
• Du har endringsvilje
  
• Du er systematisk
  
• Du er god til å motivere
  
• Du har gode datakunnskapar
  
• Du har evne til å skape gode interne og eksterne relasjonar
  
• Du er fleksibel og resultat- og løysingsorientert
  
• Du har godt humør
• Å vere personleg eigna vert vektlagt ved tilsetting

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vitnemål, attestar og tenestebevis må lastast opp som vedlegg til søknad/CV.

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her . - Og her

Kontaktinformasjon

Solrun Brenk Rønning, Seksjonsleiar, 91570524, [email protected]

Arbeidssted

Hamnegata 20
6100 Volda

Nøkkelinformasjon:

Arbeidsgiver: Helse Møre og Romsdal HF

Referansenr.: 5030408439
Stillingsprosent: 100%
Fast
Søknadsfrist: 26.11.2025