Sjukepleiar, vernepleiar eller helsefagarbeidar?

Om stillingen

Om stillinga

Har du ro i kroppen når det står på som mest? Då kan dette vere jobben for deg.

Ved Akuttpsykiatrisk post ved Haugesund sjukehus møter du menneske i akutt psykisk krise. Her treng vi sjukepleiarar, vernepleiarar og helsefagarbeidarar som klarer å vere rolege, tydelege og varme - også når situasjonen er krevjande.

Vi ser etter deg som trur på relasjonar som ein viktig del av behandlinga. Du forstår at eit blikk, ei pause eller det å vere til stades kan bety mykje. Og du ønskjer ein jobb der du kan gjere ein forskjell - også når resultatet ikkje viser med ein gong.

Hos oss får du kollegaer som står saman, lærer saman og støttar kvarandre gjennom krevjande situasjonar.

Kanskje er dette deg? Då vil vi gjerne høyre frå deg.

📅 Stillingane er i turnus med dag-, kveld- og nattarbeid.

🏥 Kva gjer vi hos oss?

Hos oss jobbar du tett på pasientar i akutt psykisk krise. Arbeidskvardagen handlar om å skape tryggleik, ro og struktur - saman med kollegaer som står støtt rundt kvarandre.

Her er det rom for å stille spørsmål, lære ofte, le litt - også på nattevakt - og vere menneske, ikkje berre fagperson.

Oppgåvene er i stor grad felles for sjukepleiarar, vernepleiarar og helsefagarbeidarar. Nokre oppgåver, som til dømes legemiddelhandtering, følger autorisasjon, kompetanse og gjeldande rutinar.

Kva kompetanse er viktig i denne rolla?

Du må ha:

• Norsk autorisasjon som sjukepleiar, vernepleiar eller helsefagarbeidar.
• Gode munnlege og skriftlege norskkunnskapar.

Det er ein fordel om du:

• Har erfaring frå psykisk helsevern, rus eller akuttarbeid.

👀 Kven ser vi etter?

Vi ser etter deg som:
har eit ekstra gir når ting blir uoversiktlege
klarer å vere både tydeleg og varm på same tid
forstår at eit blikk, ein pause eller ein kopp kaffi kan vere like viktig som ein tiltaksplan
ikkje blir skremd av sterke kjensler, men møter dei med ro
liker å jobbe i team, men står trygt i deg sjølv

Du treng ikkje vere "ferdig utlært i livet". Men du bør vere nysgjerrig på menneske - også når dei er på sitt mest sårbare.

💬 Kvifor skal du velje oss?

Hos oss får du:

• ein variert arbeidskvardag der ingen dagar er heilt like
• erfaring frå akuttpsykiatri og pasientar i ulike livssituasjonar
• kollegaer som støttar kvarandre i krevjande situasjonar
• god opplæring og tett oppfølging
• høve til fagleg utvikling innan psykisk helsevern
• eit arbeidsmiljø med rom for både alvor, fag og humor
• turnus med dag-, kveld- og nattarbeid

Hos oss får du ein jobb der du betyr noko for menneske som treng deg. Du blir ein del av eit fagmiljø der vi står saman, lærer av kvarandre og veit kor viktig det er å ta vare på både pasientane og kvarandre.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi er glade for at du tok deg tid til å lese annonsen, og vi håpar å høyre frå deg.

Adresse: Karmsundgata 120, 5528 HAUGESUND, Norge

Opne vegbeskriving (i ny fane)

Kontaktinformasjon

Rebekka Gregor

Funksjonsleiar Akuttpsykiatrisk post

Telefon: +47 41863999

E-post: [email protected]

Om arbeidsgivaren

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

For å bli betre kjend med oss, kan du sjå her www.helse-fonna.no .