Sjukepleiar - 100% fast Manger heimeteneste

Om stillinga

Vi har ledig 100 % stilling som sjukepleiar i todelt turnus med arbeid kvar 3.helg. Det er også moglegheit for langvakter på helg eller langvaktsturnus dersom ynskjeleg.

Arbeidsoppgåver

Heimetenesta gjev tenester til brukarar som bur i eigen heim. Kvardagen hjå oss er variert, med stor grad av sjølvstende og fagleg utvikling. Tenestene femnar m.a. om heimesjukepleie, heimehjelp og administrasjon av medisinar. Heimetenesta samarbeider tett med ulike fagmiljø, for det beste til brukarane, både innad i kommunen og ut mot spesialisthelsetenesta.

Om avdelinga

Heimetenesta i Alver er delt inn i 6 geografiske områder der Manger heimeteneste er lokalisert sentralt på Manger. Avdelinga har eit godt tverrfagleg team beståande av driftskoordinator, sjukepleiarar, helsefagarbeidarar og assistentar. Avdelinga har ca. 23 årsverk og gjev tenester til brukarar som bur på Radøy. Manger heimeteneste kan tilby eit godt, kjekt og inkluderande arbeidsmiljø. Vi er ei avdeling i stadig utvikling og har eit felles fokus på gode tenester.

Kvalifikasjonskrav

• Autorisert sjukepleiar
• Førarkort klasse B
• Gode norskkunnskapar, skriftleg og munnleg
• Dersom du er utdanna utanfor Norden treng du godkjend B2– test

Kven er du?

Personlege eigenskapar vil bli vektlagt før tilsetting: Du er inspirerande og engasjert i faget. Du kan prioritera i ein travel kvardag, og trivst både med å arbeide sjølvstendig og som del av eit team. Vi ser etter deg som har evne og vilje til å bidra til eit godt arbeidsmiljø, og skape arbeidsglede i ein hektisk kvardag. Du er fagleg sterk og trygg i yrkesutøvinga. Du er i tillegg løysingsorientert og fleksibel.

Vi tilbyr

• Engasjerte, flotte og framtidsretta kollegaer
• Eit positivt og inkluderande arbeidsmiljø
• Ein aktiv kvardag med mange spennande og varierte utfordringar
• Fagleg utvikling
• Årsturnus med muligheter for langvakter
• Tilsetjing i samsvar med gjeldande lov- og avtaleverk
• God pensjonsordning gjennom KLP
• Sjukepleiarar i Alver kommune ligg for tida kr 10.000 over garantiløn etter Hovudtariffavtalen

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Vi er Alver

Bli kjent med Alver kommune!