Malene Sævrøy Johannessen

Lagermedarbeidar/Konsulent

Publisert7.11.2025

Søk senest21.11.2025

Om stillingen

Eining for Behandlingshjelpemiddel (BHM) søker ein engasjert og serviceinnretta lagermedarbeidar/konsulent til 100% fast stilling.

Eining for Behandlingshjelpemiddel (BHM) høyrer innunder Medisinsk-Teknisk avdeling, og er organisert i to seksjonar; Seksjon for kliniske fag og Seksjon for logistikk og verkstad. Eininga har 37 tilsette totalt, og tilsettgruppa omfattar både sjukepleiarar, merkantilt personell, ingeniørar, lagermedarbeidarar, sjåførar, assistentar og stab. Vi samarbeider for å finne dei gode løysingane for våre pasientar og for å halda oppe ei effektiv drift.

Seksjon for logistikk og verkstad har ansvar for logistikktenester og teknisk oppfølging av medisinsk utstyr til heimebuande pasientar. I tillegg blir utstyr levert til sjukehus, sjukeheimar og andre institusjonar. Det er sju tilsette på lageret, i tillegg til tre sjåførar, seks ingeniørar og éin tilsett på reinhald. På lageret har dei tilsette ansvar for bestilling av varer, varemottak, vareplassering, plukking, klargjering og sending av varer og forbruksmateriell til heimebuande pasientar. I tillegg omfattar arbeidsdagen administrative oppgåver knytt til oppfølging av leveringar, leverandørar og fakturahandtering. Det er tett dialog mellom dei tilsette, og dei hjelper kvarandre med dei ulike arbeidsoppgåvene gjennom dagen. Vi handterer forbruksmateriell innan fagområda diabetes, respirasjon og ernæring, og det er viktig at du har evne til å tileigne deg kunnskap om, og bli godt kjent med varene vi leverer.

Som lagermedarbeidar/konsulent ved BHM har du dagleg kontakt og samarbeider tett med dei tilsette på verkstad, sjåførar og klinisk seksjon, for å sikre god service og oppfølging av pasientane. Det er difor eit krav at du har gode kommunikasjons- og samarbeidsevner.

Arbeidsoppgåvene krev gode datakunnskapar då vi arbeider på tvers av mange ulike datasystem. Du må raskt kunne tileigna deg nødvendig kompetanse innanfor dei systema vi nyttar. Det er ein fordel om du har kjennskap til system som SAP/Libra og Microsoft 365 for å nemne nokon. Arbeidsdagen er prega av høgt tempo, og vi treng deg som arbeider effektivt og har evne til omstilling. Det må påreknast tidvis fysisk krevande og tungt arbeid. Ved behov hjelper lageret også med transportoppdrag og levering av varer heim til pasientar, difor er det eit krav om førarkort klasse B til denne stillinga.

Les meir om oss

Arbeidsoppgåver

Handtering av plukklister og leveringsordre
Bruk av ulike datasystem, mellom anna SAP/Libra, Medusa, Kjørotek og Microsoft 365
Varebestilling
Oppfølging av bestillingar og leverandørar
Varemottak
Fakturahandtering
Vareplassering
Plukking og pakking av varer til henting, levering til pasientar og leveringar til interne avdelingar ved Haukeland universitetssjukehus
Samarbeid og samhandling med kollegaer og faggrupper internt i eininga, personale ved klinikkar/avdelingar ved Haukeland universitetssjukehus, leverandører og andre aktuelle samarbeidspartnarar
Bistå som sjåfør ved behov

Kvalifikasjonar

Det er krav om minimum førarkort klasse B
Det er krav om gode ferdigheiter i norsk, både munnleg og skriftleg
Relevant arbeidserfaring og kunnskap innan transport og logistikk
Fordel med fagbrev innan logistikkfaget, lang arbeidserfaring og god kjennskap knytt til lager og logistikk kan kompensere for manglande fagbrev
Gode datakunnskapar og evne til å tileigne deg nye system raskt
Erfaring frå arbeid med leverandørar, kundar eller brukarar
Gode kommunikasjons- og samarbeidsevner

Personlege eigenskapar

Kan arbeide godt både sjølvstendig og i team
Har god fysisk helse
Er punktleg og påliteleg
Ser kva som må gjerast, og tilbyr hjelp der det trengst
Har god evne til å tileigne deg ny kunnskap
Har motivasjon og interesse for å yte gode tenester til pasientane våre
Arbeider strukturert og effektivt
Er ærleg, sjølvstendig og løysingsorientert
Du tilpassar deg lett og er fleksibel
Du held deg roleg og kontrollert i stressande situasjonar, og arbeider stabilt under press
Evnar å prioritere i ein travel arbeidskvardag
Du trivst med å arbeide i eit tverrfagleg miljø og meistrar høgt tempo
Er positiv, har godt humør og bidreg til eit godt arbeidsmiljø

Vi tilbyr

Ei spennande og utfordrande stilling
Eit aktivt og triveleg arbeidsmiljø med dyktige kollegaer
Løn i samsvar med gjeldande tariffavtale
Gode pensjons- og forsikringsordningar
Arbeid på dagtid, måndag til fredag
Fleksitidsordning med kjernetid

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.