Konsulent/sjuketransportbetjent - Pasientreiser Helse Bergen

Om stillingen

Om stillinga

Avdelinga har ansvar for pasientreiser for folk som bur i Helse Bergen sitt område. Vi har i dag 38 tilsette i ulike stillingsprosent. Kvart år planlegg vi rundt 320 000 pasientreiser med buss, drosje, tog, fly og båt. Vi tar imot om lag 175 000 telefonsamtalar frå pasientar, behandlarar og transportørar. Avdelinga driftar òg dei kvite sjuketransportbilane til Helse Bergen, som køyrer liggande pasientar utan medisinsk behov.

Vi søker deg som er framoverlent, initiativrik og ønsker å bidra til trygge, effektive og føreseielege pasientreiser.

Avdelinga har opningstid måndag-fredag 07.00-18.00 og laurdag 09.00-15.00.

Startdato etter avtale.

Arbeidsoppgåver

Dette er ei kombinasjonsstilling som omfattar både kontorarbeid (konsulentoppgåver) og oppgåver som sjuketransportbetjent. Arbeidsdagen er variert, og du får møte pasientar med ulike behov.

Konsulent:

• Planlegge og koordinere pasientreiser
• Bidra til å sikre trygg transport til og frå behandling
• Svare på førespurnader frå pasientar, behandlarar og transportørar over telefon
• Betene pasientventeområdet i Sentralblokka på Haukeland universitetssjukehus
• Gi nøyaktig og oppdatert informasjon i tråd med gjeldande regelverk
• Bidra i daglege oppgåver i avdelinga

Sjuketransportbetjent:

• Køyre sjuketransportbil
• Støtte og tilsyn med pasient under transport
• Forflytting og løft av pasientar

Kvalifikasjonar

• Høgskuleutdanning, fagbrev i kontor- og administrasjonsfag, eller relevant erfaring innan logistikk/reiseliv
• Førarkort klasse B
• Gode norsk­kunnskapar, munnleg og skriftleg
• Gode IKT-ferdigheiter
• Fysisk føresetnad for å kunne utføre løft og forflytting av pasientar

Personlege eigenskapar

• Sjølvstendig og løysingsorientert
• Feksibel og samarbeidsvillig
• Systematisk og nøyaktig
• Effektiv og roleg i krevjande situasjonar
• Påliteleg og trygg i møte med pasientar og samarbeidspartnarar

Vi tilbyr

• Eit aktivt og inkluderande arbeidsmiljø
• God opplæring og tett oppfølging, både innan regelverk, system og forflytting
• Gode pensjons- og forsikringsordningar
• Løn etter gjeldande overeinskomst (Spekter, del A2 LO/YS område 10, stillingsgruppe 2)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Adresse: Haukelandsveien 22, 5021 Bergen, Norge

Klikk for å leggje til kart

Kontaktinformasjon

Andreas Gudim Marberg

Seksjonsleiar

Telefon: 55977097

Torill Herø

Teamkoordinator

Telefon: 55559635

Om arbeidsgivaren

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook .
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.