Konsulent, i inntil 100% fast stilling

Hjå oss får du

Ei variert og meiningsfull stilling, der du får ei viktig rolle i den daglege drifta. Du blir del av eit godt arbeidsmiljø med engasjerte kollegaer og tett samarbeid med leiarar og tilsette. Vi tilbyr fleksitid der drifta tillet det, opplæring ved oppstart, høve til fagleg utvikling, samt gode pensjons- og forsikringsordningar. 

Om stillinga 

Gulen kommune har frå 01.01.2027 ledig i inntil 100% fast stilling som konsulent innan pleie- og omsorgstenesta. Stillinga er for tida knytt til sone Eivindvik - Gulen sjukeheim, med kontorstad ved Gulen sjukeheim.

Sone Eivindvik - Gulen sjukeheim er ei av tolv einingar i kommunen. Eininga yter pleie- og omsorgstenester til heimebuande personar i Eivindvik-krinsen, samt til bebuarar på sjukeheimen, som ligg i Eivindvik.

Arbeidsoppgåver 

• Konsulenten er medansvarleg for at eininga sine administrative mål vert oppfylt
• Arbeid med turnus/arbeidsplan (Visma ressursstyring); skaffe vikarar og dagleg ajourhald i Visma ressursstyring
• Fakturabehandling 
• Innkjøp i e-handel  
• Bistå einingsleiar ved behov
• Bidra til god arbeidsflyt
• Andre oppgåver som måtte kome til

Kvalifikasjonskrav 

• Minimum fagbrev innan kontor- og administrasjonsfag, eller tilsvarande utdanning. Relevant og god erfaring frå liknande arbeid kan kompensere for manglande utdanning
• Gode IKT-ferdigheiter 
• Gode norskkunnskapar - både munnleg og skriftleg
• Det er ein fordel å ha erfaring frå tilsvarande oppgåver
• Ynskjeleg med førarkort klasse B

Personlege eigenskapar 

• Må vere tydeleg, ansvarsbevisst, stabil, systematisk og fleksibel 
• Vere sjølvstendig i sitt arbeid og søke kunnskapen ein treng for å utføre arbeidsoppgåvene
• Stillinga krev at ein føl reglar og retningslinjer og står støtt i avgjersler som vert tatt
• Må ha gode relasjonelle eigenskapar og samarbeide godt
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering