Kommunikasjonssjef

Om stillingen

Vår noverande kommunikasjonssjef går av med pensjon sommaren 2025, og vi ser etter deg som kan ta over ansvaret. Vi ønskjer ein engasjert, utviklingsorientert og fagleg sterk leiar som kan jobbe strategisk med kommunikasjon. For å oppfylle samfunnsoppdraget vårt, er det viktig å vidareutvikle den interne og eksterne kommunikasjonen vår.

Helse Førde driv sjukehusa i Sogn og Fjordane, med alt det inneber. Vi har behandlingsstader i Førde, Eid, Lærdal, Sogndal og Florø og ambulansestasjonar spreidde over heile området. 

Som kommunikasjonssjef arbeider du tett med administrerande direktør og føretaksleiinga, og blir ein del av direktøren si leiargruppe. Avdelinga du blir leiar for, har for tida fire medarbeidarar. I Helse Førde blir du ein del av eit sterkt fagmiljø med spennande utviklingsmoglegheiter.

Dine arbeidsoppgåver er å

• byggje tillit til tenestene våre
• vidareutvikle vår strategiske kommunikasjon 
• sørgje for at vi kommuniserer godt og ope i relevante medium
• bygge gode relasjonar til media og samfunnet rundt oss med openheit som prinsipp
• sikre at intra- og internettsidene våre er oppdaterte med relevant og nyttig innhald
• bidra til at nye digitale kommunikasjonsformer blir tekne i bruk i samsvar med føringar
• samarbeide med andre kommunikasjonsavdelingar i Helse vest
  

Vi ser etter deg som har

• høgare utdanning
• leiarerfaring
• forståing for og kunnskap om korleis den offentlege spesialisthelsetenesta er bygd opp, og kva samfunnsrolle den har
• solid kommunikasjonsfagleg kompetanse og erfaring 
• forståing for pressa sitt samfunnsoppdrag, og gjerne erfaring frå media
• god forståing for bruk av digitale kanalar og sosiale medium
• svært god skriftleg og munnleg framstillingsevne, særleg på nynorsk
  

Personlege eigenskapar vi set pris på

• God relasjonsbyggjar internt og eksternt
• Positiv, engasjert og med gode samarbeidsevner
• Sjølvstendig, initiativrik og systematisk
• Løysingsorientert, fleksibel og serviceinnstilt
• Stor arbeidskapasitet og god gjennomføringsevne
  

Vi tilbyr

• Vi tilbyr eit godt og utfordrande arbeidsmiljø
• Ein spennande moglegheit for den rette personen 
• Utfordrande og sjølvstendige arbeidsoppgåver i ein stor og profesjonell kompetanseorganisasjon
• Eit føretak som ligg i forkant når det gjeld bruk av elektroniske HR system
• Godt arbeidsmiljø og dyktige kollegaer
• Gode pensjons- og forsikringsordningar
• Løn etter avtale

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Arve Varden, Administrerande direktør, (+47) 992 19 352
Arne Skjelten, HR direktør , (+47) 908 85 478

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 4925896616
Stillingsprosent: 100%
Fast
Søknadsfrist: 23.03.2025