Jordmor

Har du lyst på ein spanande, givande og fagleg utfordrande jobb? Velkomen til oss som jordmor ved Sjukehuset Nordmøre og Romsdal!  

Vi har ledig en 80% fast stilling som jordmor.

Føde/barsel SNR har årleg i overkant av 700 fødslar, aukande fødselstall og høg aktivitet. Vi har eit godt arbeidsmiljø og eit godt tverrfagleg samarbeid. Vi har akkurat flytta inn i eit nytt, topp moderne sjukehus på Hjelset der vi trivst svært godt.

Sjukehuset SNR er eit av tre sjukehus i Helse Møre og Romsdal. Seksjonen er plassert i Avdeling for kirurgi og føde, og er ein kombinert sengepost for føde og barsel. Vi er sertifisert som ein mor/barn vennleg seksjon (sist re-sertifisert i 2021), og arbeider etter retningslinene som ligg i "Eit trygt fødetilbod". Vi tilbyr ein-til-ein omsorg i aktiv fødsel, og tett oppfølging og ammerettleiing under barselopphaldet. Vi har kun familierom slik at begge foreldre kan bu saman under barseltida. Av smertelindring under fødsel tilbyr vi mellom anna jordmor tilstade under heile forløpet, massasje, akupunktur/akupressur, dusj/badekar, pudendalblokade og epidural analgesi. Vi har også noe poliklinisk aktivitet i avdelinga, både av gravide, nyfødte og barselkvinner.
Vi er eit tverrfagleg team i ulik alder og erfaringsgrunnlag, her kjem du til å passe godt inn enten du er nyutdanna eller erfaren.

Vi ber om at attestar og vitnemål vert scanna og lasta opp som vedlegg til din søknad.  Søknader vil bli vurdert fortløpende.

Arbeidsoppgåver

• Kontinuerleg og heilskapeleg fødselsomsorg
  
• Varierte jordmorfaglege oppgåver innanfor svangerskap, fødsel og barsel

Kvalifikasjonar

• Norsk autorisasjon som jordmor
  
• Gode skriftlege og munnlege norskkunnskapar
  
• Det er ønskjeleg at du har meir enn 1 års erfaring frå fødeavdeling.

Personlege eigenskapar

• Du er motivert for fagleg utvikling
  
• Du er positiv, fleksibel og tilpassingsdyktig
  
• Du har gode samarbeidsevner
  
• Du arbeider sjølvstendig, men har samstundes evne til å arbeide tverrfagleg 
  
• Personleg eignaheit vert vektlagt ved tilsetting

Vi tilbyr

• Sterkt tverrfagleg samarbeid
  
• Ein inkluderande arbeidsplass
• Avdelingen ligg i eit topp moderne sjukehus med lyse, trivelige lokalar
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Ingeborg Hjertvik, Seksjonsleder, +47 91647756, Ingeborg,[email protected]

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5174621700
Stillingsprosent: 80%
Fast
Startdato: 01.11.2026
Søknadsfrist: 21.09.2026