Intern utlysing - prosjektstilling som turnuskoordinator

Om stillinga

Intern utlysing - 50 % prosjektstilling som turnuskoordinator

Me ønskjer å styrka arbeidet med helsefremjande turnusar og heiltidskultur i kommunen. Difor lyser me no ut ei 50 % prosjektstilling som turnuskoordinator, knytt til HR.

Målet med stillinga er å ha ein fagleg sterk ressurs som kan støtta leiarar, tillitsvalde og verneombod i arbeidet med gode, berekraftige og framtidsretta bemannings- og turnusløysingar.

Stillinga er ei prosjektstilling, men kan gjerne kombinerast med andre oppgåver eller stillingar i kommunen. Prosjektet er i utgangspunktet 6 månader, men det kan vera aktuelt med forlenging.

Nøkkelinformasjon

Søknadsfrist:

16.03.2026

Arbeidsgivar:

Bømlo kommune

Stad:

Bremnes

Stillingstittel:

Turnuskoordinator

Stillingar:

1

Heiltid / Deltid:

Deltid

Tilsetjingsform:

Engasjement

Stillingsprosent:

50

Webcruiter-ID:

5091425859

Sosial deling :

Del på X

Del på LinkedIn Del på Facebook Del på e-post

Arbeidsoppgåver

• støtta leiarar i arbeidet med utarbeiding og endring av turnus
• bidra til gode prosessar i samarbeid med tillitsvalde og verneombod
• sikra at turnusar er i tråd med gjeldande lov- og avtaleverk
• ha særleg fokus på helsefremjande turnusar, livsfasepolitikk, arbeidstidsordningar og belastning
• bidra aktivt i arbeidet med heiltidskultur og meir fleksible løysingar
• utforska moglegheiter for betre utnytting av ressursar på tvers av einingar, til dømes kombinasjonsstillingar, vikarpool og langvakter
• jobba tett saman med rådgjevar for helse- og velferdsteknologi i implementering av nytt skybasert turnussystem, og overgang til nytt ERP system
• vera ein pådrivar for læring, deling og utvikling på turnusfeltet
• følgje opp AML-varsel, og bidra med forslag til tiltak
  
  Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast.

Kvalifikasjonar

• utdanning og erfaring frå helse- og omsorgstenester (3-årig høgskule/BSc. er eit føremon)
• god og dokumentert erfaring med utarbeiding av turnus
• solid kunnskap om relevant lov- og avtaleverk knytt til arbeidstid
• god formidlingsevne, systemforståing og interesse for digitale verktøy

Personlege eigenskapar

• du er opptatt av helsefremjande arbeid og gode arbeidsvilkår
• du er engasjert i å finna gode og berekraftige bemanningsløysingar
• du har evne til å skapa tillit og samarbeid
• du er strukturert, men nytenkjande
• du interesse for å bli kjend med ulike verksemder og avdelingar i kommunen

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.

Vi tilbyr

• ei meiningsfull prosjektstilling med stor påverknad
• høve til å forma framtidas turnus- og bemanningsløysingar
• tett samarbeid med HR og fagmiljø
• fleksibilitet og moglegheit for kombinasjon med anna stilling
• løn og arbeidsvilkår i samsvar med gjeldande lov og avtaleverk

Andre opplysingar

Administrasjonsmålet i kommunen er nynorsk
Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn
Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25
Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.
Dersom du har spørsmål om stillinga og rekrutteringsprosessen, ta kontakt med Vanja Espeland

Adresse: Leirdalen 1, 5430 Bremnes, Norge

Opne vegbeskriving (i ny fane)

Kontaktinformasjon

Vanja Espeland

Personalsjef

Telefon: +47 480 17 825

Om arbeidsgivaren

Berekraftige Bømlo er vår visjon!
Bømlo kommune har 12 500 innbyggjarar og ligg plassert mellom Stavanger og Bergen, i regionen Sunnhordland. Me har eit aktivt næringsliv, med stort fokus på utvikling av grøn teknologi. Eit godt kulturtilbod saman med eit yrande lag- og organisasjonsliv gjer Bømlo til ein god plass å bu.

Kommunen med sine 800 årsverk, er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Dei tilsette er vår viktigaste ressurs og me ynskjer ossrause,modigeogengasjertemedarbeidarar.

Pensjon
I denne stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ein utbetaling som varer frå den dagen du sluttar i jobb og livet ut. Pensjon inkluderer og uføre- og etterlatnepensjon dersom noko uventa skulle skje. Med pensjonsrett i Bømlo kommune får du medlemspris og gunstige vilkår på ei rekkje bank, forsikring og spareprodukt.
Forsikring
Bømlo kommune har gode forsikringsordningar for tilsette. Ordninga omfattar forsikring knytt til yrkesskade, ulykke og fritid.