Helsefagarbeidar (natt) med bonusordning

Me tilbyr 

• Bonusordning på 50 000kr (i 100% stilling) ved binding i 2 år i stillinga
• Løn over tariff for helsefagarbeidar i turnus
• Ekstra helgekompensasjon 
• Godt arbeidsmiljø
• Gode pensjons- og forsikringsordningar

Om stillinga

Gulen kommune har ledig fast helsefagarbeidarstilling på natt ved Sone Brekke, Byrknes og Dalsøyra (Sone BBD) frå snarast/etter avtale. Turnusen er for tida knytt til avdeling Brekke. Stillinga er i utgangspunktet 100%, men dersom ein ynskjer ein lågare prosent, skriv du dette i søknaden, så vil det verte vurdert. Det er knytt bonusordning på 50 000kr (i 100% stilling) i denne stillinga ved bindingstid i 2 år. Ratevis utbetaling. Ta kontakt med einingsleiar (kontaktperson i annonsen) om du har spørsmål til stillinga, og lurer på om du skal søke! 

Det vert arbeida med å sjå på arbeidstidsordningar i sona og for denne stillinga, men pr. dags dato har denne stilinga arbeid annankvar helg, i tillegg til vakter i vekene. 

I sone BBD arbeider det både nyutdanna og tilsette med lang erfaring. Det er eit tett og godt samarbeid mellom assistentar, fagarbeidarar og sjukepleiarar/vernepleiarar kvar dag. Samarbeidet er viktig for at tenestene våre skal verte best mogleg for innbyggjarane i Gulen kommune, og noko me har fokus på kontinuerleg. Eininga har fokus på fagleg utvikling og kompetanseheving blant helsefagarbeidarane.

Arbeidsoppgåver 

• Tilsyn med brukarar i heimetenesta på natt 
• Hjelp og tilrettelegging til brukarar med ulike funksjonsnivå, til dømes; stell, pleie, medikamenthandtering, ernæringsoppfølging osb.
• Følgje opp dei daglege rutinene i avdelingane 
• Dokumentere og rapportere i journalsystem 
• Andre oppgåver som måtte kome til

Kvalifikasjonskrav 

• Autorisasjon som helsefagarbeidar. Søkjarar utan fagbrev kan verte vurdert for mellombels tilsetjing.
• Førarkort klasse B
• God skrifleg og munnleg framstillingsevne (norsk)

Personlege eigenskapar 

• Kommuniserer godt på norsk, og har erfaring frå og god kjennskap til norsk helsevesen
• Trivast med å jobbe på natt
• Samhandlar godt med brukarar og andre samarbeidspartnarar
• Jobbar sjølvstendig, tar initiativ, er fleksibel og løysingsorientert
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar. Vi har frå juli 2023 innført ekstra helgetillegg på 50 kr/time, i tillegg til tariff. Dette skal evaluerast i samband med revisjon av lønspolitisk plan. 
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.