Fysioterapeut

Om stillinga

Seksjonen Klinisk fysioterapi og førebygging har ledig 100 % fast stilling som fysioterapeut.

• Arbeidsstad: Førde sentralsjukehus
• Oppstart: 04.01.2027

Om stillinga
Ein av våre dyktige spesialfysioterapeutar går over i ei anna stilling i seksjonen, og vi har derfor behov for å styrke teamet vårt. Arbeidet vil i hovudsak vere retta mot spesialisert rehabilitering, samt arbeidsoppgåver i andre avdelingar ved behov.

Som fysioterapeut vil du vere ein del av eit sterkt tverrfagleg team rundt pasientar som får spesialisert rehabilitering på sjukehuset. Rehabiliteringsavdelinga har åtte sengeplassar. Vi oppmodar også nyutdanna til å søkje.

Om seksjonen
Klinisk fysioterapi og førebygging er organisert i medisinsk klinikk, under avdeling for fysikalsk medisin ogrehabilitering. Seksjonen har 23 stillingar og gir tenester tilalle somatiske avdelingar ved Førde sentralsjukehus, Nordfjord sjukehus ogLærdal sjukehus.

Vi har eit sterkt fagmiljø med engasjerte medarbeidarar med variert erfaring og kompetanse. Seksjonen har eit tydeleg fokus påfagutvikling, kunnskapsdeling og bruk av nye teknologiske løysingar.

I tilleggtil driftsoppgåver og dagleg pasientbehandling er fleire tilsette aktive innaninnovasjon, tenesteutvikling og kontinuerleg forbetringsarbeid. Saman arbeider vi for å utvikle moderne, framtidsretta og berekraftige helsetenester til beste for pasientane.

Vi er opptekne av eit godtarbeidsmiljø, der samarbeid, fagleg nysgjerrigheit og trivsel står sentralt.

Nøkkelinformasjon

Søknadsfrist:

24.09.2026

Arbeidsgivar:

Helse Førde

Stad:

Førde

Stillingstittel:

Fysioterapeut

Stillingar:

1

Heiltid / Deltid:

Heiltid

Tilsetjingsform:

Fast

Stillingsprosent:

100

Webcruiter-ID:

5156558523

Sosial deling :

Del på X

Del på LinkedIn Del på Facebook Del på e-post

Arbeidsoppgåver

• Gjennomføre kliniske undersøkingar, funksjonsvurderingar og målretta oppfølging av innlagde pasientar på rehabiliteringsavdelinga.
• Bidra inn mot andre avdelingar ved behov.
• Bidra aktivt i tverrfagleg samarbeid med relevante faggrupper for å sikre heilskapleg pasientbehandling.
• Dokumentere og journalføre i tråd med gjeldande rutinar og kvalitetskrav.
• Delta i fagutvikling, undervisning og kompetansedeling på tvers av avdelingar.
• Samhandle med primærhelsetenesta for å sikre god overgang og oppfølging etter utskriving.
• Delta i helgevakts - og heilagdagsturnus.
• Rettleiing av studentar og turnuskandidater.

Kvalifikasjonar

• Må ha norsk autorisasjon som fysioterapeut.
• Må meistre norsk godt, både munnleg og skriftleg.
• Ønskeleg med erfaring med arbeid i tverrfaglege team.
• Ønskeleg med erfaring fra spesialisthelsetjenesta.
• Ønskeleg med erfaring og kompetanse innan nevrologi.

Personlege eigenskapar

• Du er ein engasjert person med gode kommunikasjonsevner.
• Du må kunne strukturere dagen din.
• Du har høg arbeidskapasitet og evne til å arbeide effektivt, både sjølvstendig og som ein viktig del av tverrfaglige team.
• Du er løysingsorientert og ønskjer å vidareutvikle deg som terapeut.
• Du er fleksibel og har fagleg engasjement.
• Du har gode evner til å engasjere og motivere.
• Du tek initiativ og bidreg til eit godt arbeidsmiljø.

Vi tilbyr

• Lønn i samsvar med gjeldande overeinskomst.
• Gode pensjons- og forsikringsordningar.
• Mentorordning for nytilsette.
• Eit godt arbeidsmiljø med høg kompetanse på mange ulike fagområde.
• Moglegheit for fagleg og personleg utvikling.
• Du blir ein del av eit sterkt fagmiljø.
• Moglegheit for trening i arbeidstida.
• Hjelp med bustad, opplys i søknaden dersom det er ønskjeleg.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Adresse: Svanehaugvegen 2, 6812 Førde, Norge

Opne vegbeskriving (i ny fane)

Kontaktinformasjon

Mari Bårdvik

Seksjonsleiar

Telefon: (+47) 473 78 841

Om arbeidsgivaren

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.