Forskingsgruppeleiar - AI in Medical Imaging

Om stillingen

Forskargruppa AI in Medical Imaging (AIMI) ved Helse Møre og Romsdal HF er ei internasjonalt retta og fagleg produktiv gruppe som arbeider i skjeringspunktet mellom kunstig intelligens, MR-fysikk og klinisk biletdiagnostikk. Gruppa har etablerte samarbeid med Stanford University, Oslo universitetssjukehus, NTNU, Norwegian Open AI Lab, Akershus universitetssjukehus og Stavanger universitetssjukehus, og har ein sterk tradisjon for å kombinere metodeutvikling med klinisk translasjon og rettleiing av studentar.
Grunnleggjaren og tidlegare leiaren for gruppa, som no er forskings- og utdanningssjef ved HMR, vil framleis vere fagleg involvert med 20 % avsett forskingstid. Vi søkjer ein vikar som kan ta det operative leiaransvaret og arbeide tett med han for å vidareutvikle gruppa. Dette er ei unik moglegheit for ein ambisiøs forskar som ønskjer å leie ei etablert og internasjonalt synleg gruppe i ein spennande vekstfase, med tett fagleg støtte frå ein erfaren forskar og leiar.

Arbeidsoppgåver

• Koordinere det faglege arbeidet i AIMI-gruppa og sikre framdrift i pågåande prosjekt
• Bistå med rettleiing av bachelor-, master- og ph.d.-studentar i gruppa, i tett samarbeid med forskings- og utdanningssjefen
• Planleggje og gjennomføre jamlege forskingsgruppemøte
• Arrangere gruppa sine to årlege hackaton – ein etablert fagleg tradisjon i AIMI
• Etablere nye forskingsprosjekt i forlenginga av gruppa sitt eksisterande forskingsprogram
• Utarbeide og sende inn søknader om ekstern og intern forskingsfinansiering
• Oppretthalde og vidareutvikle gruppa sine nasjonale og internasjonale forskingsnettverk
• Bidra aktivt i forskingsarbeidet, inkludert publisering i internasjonale fagfellevurderte tidsskrift
• Representere gruppa i relevante faglege forum, nasjonalt og internasjonalt
• Andre oppgåver som naturleg fell inn under rolla som forskingsgruppeleiar

Kvalifikasjonar

• Doktorgrad (ph.d.) innan relevant fagfelt, som kunstig intelligens, medisinsk biletdiagnostikk, medisinsk fysikk, informatikk eller tilsvarande
• Solid forskingserfaring etter doktorgrad, helst med gjennomført postdoktorperiode
• Erfaring frå store, etablerte forskings- eller teknologimiljø, nasjonalt eller internasjonalt
• Dokumentert publiseringsaktivitet i internasjonale fagfellevurderte tidsskrift
  

Ønskte kvalifikasjonar:

• Erfaring med å søkje om og forvalte ekstern forskingsfinansiering (til dømes frå Forskingsrådet, EU Horizon eller regionale helseføretak)
• Etablerte nasjonale eller internasjonale nettverk innan KI og medisinsk biletdiagnostikk
• Kjennskap til kliniske arbeidsflytar og forskingsstrukturen i helseføretaka
• Erfaring med tverrfagleg samarbeid mellom kliniske og teknologiske miljø
• Erfaring med prosjektleiing og koordinering av forskingsaktivitetar
• Erfaring med rettleiing av studentar og/eller forskarar

Personlege eigenskapar

• Du er fagleg sterk og sjølvstendig, med evne til å inspirere og motivere studentar og forskarar
• Du har gode leiar- og samarbeidsevner i eit tverrfagleg og internasjonalt miljø
• Du er strukturert, med sterk gjennomføringsevne og evne til å handtere fleire parallelle oppgåver
• Du er initiativrik og løysingsorientert
• Du har gode kommunikasjonsevner, både munnleg og skriftleg, på norsk og engelsk
• Du er engasjert i å utvikle KI-forsking som bidreg til betre pasientbehandling og klinisk translasjon
• Du er genuint oppteken av å byggje og ivareta eit sterkt fagleg fellesskap

Å vere personleg eigna vert vektlagt ved tilsetting.

Vi tilbyr

• Ei fagleg spennande og meiningsfull leiarrolle i ei etablert og internasjonalt synleg forskingsgruppe
• Tett fagleg samarbeid med forskings- og utdanningssjefen, som vil bidra med 20 % forskingstid og løpande fagleg støtte
• Eit aktivt og engasjert forskingsmiljø med bachelor-, master- og ph.d.-studentar samt erfarne forskarar
• Etablerte samarbeid med leiande miljø som Stanford University, NTNU, Oslo universitetssjukehus, Norwegian Open AI Lab, Akershus universitetssjukehus og Stavanger universitetssjukehus
• Ein levande gruppekultur med faglege tradisjonar som halvårlege hackathon og jamlege gruppemøte
• Moglegheit til å bidra aktivt i forsking med rom for publisering og fagleg utvikling
• Fleksible arbeidsforhold – stillinga er på 50 % og kan kombinerast med andre faglege aktivitetar
• Konkurransedyktige vilkår etter HMR sitt lønsregulativ
• Finansiering sikra for eitt år med moglegheit for forlenging i ytterlegare to år
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Kontaktinformasjon

Endre Grøvik, Forsknings- og utdanningssjef, [email protected]

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5114916905
Stillingsprosent: 50%
Vikariat
Startdato: 01.07.2026
Sluttdato: 30.06.2027
Søknadsfrist: 10.06.2026