Fagutviklingssjukepleiar/sjukepleiar

Om stillingen

Vi ser etter fagutviklar/sjukepleiar som er positiv til forbetringsarbeid, er engasjert, og har god formidlingsevne!

Akuttmottak/observasjonspost er ein hektisk og spennande arbeidsplass. Seksjonen tek imot augeblikkeleg hjelp pasientar til innlegging (omlag 25 i døgnet), og pasientar som skal til poliklinikk på kveld, natt og helg. Akuttmottak/observasjonspost er organisert under medisinsk avdeling, Førde. Seksjonen har medisinskfagleg rådgjevar. Ved akuttmottak/observasjonspost blir akutte pasientar innan indremedisin, nevrologi, onkologi, ØNH, auge, revmatologi, kirurgi og ortopedi vurdert og behandla.

Akuttmottak/observasjonspost er ein seksjon med ca. 30 sjukepleiarar og spesialsjukepleiarar som har fagleg kompetanse innan fleire fagområder. Sjukepleiarane skal vere sertifiserte innan AHLR (vaksne, barn og nyfødt), og gjennomføre kurs i traumesjukepleie (KITS), og ellers delta i simulering. Sjukepleiarane skal også ha kompetanse innan CBRNE (er under oppbygging), og deltek i akutte team ved sjukehuset som: traumeteam, hjartestans (barn, nyfødt og vaksne), medisinsk akutt team og hjerneslag. Seksjonen har instruktørar innan AHLR og KITS, traumekoordinator og traumeregistrerar, og fleire fasilitatorar.

Observasjonsposten har 6 sengeplassar (4 på helg), og akuttmottak har 8 behandlingsrom/mottaksrom. I akuttmottak/observasjonsposten treng vi kontiunerlig trening på akutte pasientsituasjonar.

Vi har ei fagleg sterk avdeling, med eit inkluderande og omtenksomt miljø! 

Det er ønskjeleg med sjukepleiarar med minimum 2 års erfaring frå akuttmottak eller sengepostar. Ved innkalling til intervju, må søkaren være førebudd på å presentere eit fagleg tema på inntil 10 minutt.

Ved internt opprykk til fagutviklarstilling, vert det ledig sjukepleiarstilling i akuttmottak/observasjonspost.

Arbeidsoppgåver

• Være stedfortreder for seksjonsleiar i akuttmottak/observasjonspost når seksjonsleiar er fråværande
• Undervisning/rettleiing, vaktarbeid og tverrfagleg samarbeid
• Vere med på å utvikle og forbetre seksjonen sine opplæringsplanar, og kompetanseplanar
• Være seksjonsleiar sin rådgjevar i høve fagutvikling/opplæring kontinuerleg
• Hovudansvaret for opplæring og oppfølging av tilsette (og studentar) i akuttmottak/observasjonspost
• Ansvar for plan for resertifisering av personell, og utarbeide forslag til gjennomføring av denne
• Arbeid med EK dokument for akuttmottak/observasjonspost
• Delta i prosjekt/leie prosjekt i seksjonen
• Sjølvstendig planlegge og gjennomføre fagdagar for tilsette
• Fagutviklar må arbeide 3. kvar helg. 

Kvalifikasjonar

• Norsk autorisasjon som sjukepleiar
  
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
• Relevant vidareutdanning er ønskeleg, men lang erfaring som sjukepleiar kan vege opp for manglande vidareutdanning
  
• Du må ha kunnskap innan relevant medisinsk teknisk utstyr og IKT-system seksjonen nyttar
• Det er ein fordel om du har erfaring med fasilitering ved simulering, men det er ikkje eit krav
• Det er ein fordel om du kjenner akuttmottak/observasjonspost frå tidlegare
• Det er ønskelig med veiledningskompetanse

Personlege eigenskapar

• Du har interesse for faget, og har god medisinskfagleg kunnskap
• Du likar å veilede kollegaer
• Du har motivasjon og interesse for forbetringsarbeid
• Du evnar å tilpasse og formidle informasjon på ein tydeleg måte
  
• Du må kunne arbeide godt både sjølvstendig og i team
  
• Du held deg roleg, objektiv og kontrollert i stressande situasjonar
  
• Du har eit ønske om å forbetre/vidareutvikle retningslinjer, prosedyrer og arbeidsmønster vi har i akuttmottak/observasjonspost

Vi tilbyr

• Ein utfordrande, variabel og fagleg interessant jobb
• Lønn i samsvar med gjeldande overeinskomst
• Gode pensjons- og forsikringsordningar
• Eit aktivt, inkluderande, og godt arbeidsmiljø der ein er opptatt av å støtte kvarandre
• Gode kollegaer med stort spenn av interesser og hobbyar
• Kontinuerleg fagleg utvikling
• Moglegheit til å delta på kurs/samlingar med relevans for stillinga
• Gode velferdsordningar i Helse Førde
• Eit delvis uforutsigbart, meiningsfylt arbeid
• Personleg og fagleg utvikling kvar vakt

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Anita Dvergsdal, Seksjonsleiar, (+47) 957 01 444

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 4936439838
Stillingsprosent: 100%
Fast
Søknadsfrist: 30.03.2025