Fagansvarlig bioingeniør, prøvehåndtering og mikrobiologi

Om stillingen

hardangerfjord.com hardangerfjord.com

Vil du jobbe som fagansvarleg bioingeniør – og ha fjord, fjell og skiopplevingar rett utanfor døra?

Som fagansvarleg bioingeniør ved Laboratoriet i Odda får du ei sjølvstendig rolle med ansvar for prøvehåndtering og mikrobiologi, tett på drift og pasientbehandling – i eit lite og samansveisa miljø der du faktisk får påverke kvardagen. Du blir fast tilsett hos oss, men fagansvaret er eit vikariat i ein avgrensa periode. Ved intern tilsetting blir det ledig fast stilling som bioingeniør. Opplys gjerne i søknad dersom dette er av interesse.

Er du 3.-årsstudent? Då kan du få 50 000 kr dersom du bind deg i 2 år - søk her!
Vurderer du å flytte – men vil vere trygg på at overgangen blir enkel? I Odda hjelper vi deg i gang med flyttepakke (inntil 20 000 kr) og husleige dekka dei første 6 månadene (inntil 60 000 kr). Du kan òg ha rett på sletting av studiegjeld –  sjekk her .

Odda byr på Trolltunga, brevandring, kajakk, sykling, fruktgardar – og gode moglegheiter for ski og topptur når sesongen er inne. Perfekt for deg som vil bruke fritida like aktivt som du bruker faget ditt. Les meir om kva Odda har å by på: hardangerfjord.com/ullensvang/opplevelser.

👉 Vi gler oss til å høyre frå deg! Har du spørsmål, eller ønskjer du ein uformell prat? Ta kontakt med oss i dag. 

Kva går jobben ut på?

Arbeidsoppgåvene dine vil mellom anna vere:

• Mottak, fordeling og sending av prøver internt og eksternt
• Ansvar for sentrifuger, vekt, varmeskap og avtrekkskap
  
• Lokalt ansvar for pipetter
• Hurtigtester: pnemokokk og legionella
• Ansvar for opplæring av tilsette
• Bestilling av varer til fagområdet
• Delta i rutinedrift og vaktordning

Kva kompetanse er viktig i denne rolla?

• Norsk autorisasjon som bioingeniør
  
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad 

Kva ser vi etter hos deg?

Hos oss er det viktig at du:

• jobbar nøyaktig og har blikk for kvalitet – også når det er mykje å gjere
  
• tek initiativ og har gjennomføringsevne når noko bør forbetrast
  
• kommuniserer tydeleg og samarbeider godt på tvers av fag og roller
  
• bidreg til eit godt arbeidsmiljø og liker å spele andre gode

Kvifor skal du velje oss?

• Faglege utfordringar og høgt fagleg nivå  
  
• Interessante og varierte arbeidsoppgåver 
  
• Godt arbeidsmiljø og engasjerte medarbeidarar
  
• Hjelp til bolig
  
• Mulighet for tilrettelagt turnus og friperioder

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Randi Djønne, Funksjonsleiar, +47 53651123, [email protected]

Arbeidsstad

Sjukehusvegen 10
5750 ODDA

Nøkkelinformasjon:

Arbeidsgivar: Helse Fonna HF

Referansenr.: 5108903525
Stillingsprosent: 100%
Fast
Søknadsfrist: 22.04.2026