Einingsleiar

Om stillingen

Om stillinga

Ein av våre dyktige einingsleiar har gått av med pensjon, og vi søkjer ein engasjert og strategisk leiar til heimetenesta.

Er du ein tydeleg og trygg leiar som evnar å inspirere og skape engasjement? Har du blikket retta mot framtida og ønsker å bidra til utvikling av berekraftige løysingar for framtida sine helse- og omsorgstenester? Då kan dette vere ein jobb for deg!

Den som får stillinga vert ein del av leiargruppa i Helse og omsorg, og rapporterer til kommunalsjefen.

Eining for heimetenester har ansvar for blant anna heimesjukepleia, teneste for rus og psykiatri og praktisk bistand. Vi har nyleg ferdigstilt fleire omsorgsbustader, og flytta inn i nye og flotte arbeidslokale.

Omsorg i Ulstein scorar godt på nasjonale målingar og leverer gode tenester på ein ressurseffektiv måte. Vi ser etter deg som vil vere med å vidareføre og utvikle denne kvaliteten vidare.

Arbeidsoppgåver

• Planlegge, koordinere og leie drifta, og sikre at vi leverer fagleg forsvarlege tenester
• Overordna ansvar for fag, personal og økonomi
• Personalansvar og oppfølging
• Kompetanseutvikling og kvalitetsforbetring
• HMS og internkontroll

Kvalifikasjonar

• 3-årig høgskuleutdanning innan helse- og sosialfag
• Vidareutdanning i leiing er ønskeleg
• Gode digitale ferdigheiter og kompetanse innan velferdsteknologi
• Erfaring med sakshandsaming er ønskeleg
• Norsk - God munnleg og skriftleg framstillingsevne

Personlege eigenskapar

• Positiv grunnhaldning og løysingsvilje
• Tydeleg med evne til å motivere og vise retning
• Evne til å arbeide strukturert og sjølvstendig
• Nysgjerrig og utviklingsorientert
• Gode kommunikasjons- og samarbeidsevner
• Høg arbeidskapasitet, initiativrik og fleksibel
• Personlege eigenskapar vert vektlagt

Vi tilbyr

• Støttande og utviklande arbeidsmiljø
• Dyktige kollegaer både i avdeling og i leiargruppa
• Interessante og varierte arbeidsoppgåver med høve til fagleg og personleg utvikling
• Lønn etter avtale