Driftsoperatør i Sunnhordlandsområdet

Alsaker Fjordbruk søkjer Driftsoperatør i Sunnhordlandsområdet

Alsaker konsernet sitt selskap Nordsjø Fjordbruk har i dag matfiskproduksjon på 11 lokalitetar i Sunnhordlandsområdet.

Me er primært på utkikk etter driftsoperatør til Skånevik og Halsnøyområdet –  lokalitetane  Ebne  og  Seglberget,  med utfart frå Aksland i Skånevik og Sjøvangen på Halsnøy, men andre lokalitetar i området er også aktuelle.

Me er på jakt etter deg som er like framoverlent som oss, og som ynskjer å bli med på laget i å produsere sunn og god mat til kundar over heile verda.

Di interesse for akvakultur gjer at du ynskjer deg jobb i havbruksnæringa. Du trivst ute i all slags vêr og vind og er løysningsorientert med gode samarbeidsevner.

Ein driftsoperatør sine daglege arbeidsoppgåver er mellom anna:

• Fôring, kontroll og stell av laks og rensefisk
• Drift og vedlikehald av teknisk utstyr og anlegg
• Produksjons- og kvalitetsoppfylging
• Operere båt, kran og anna mekanisk utstyr
• Deltaking i helgevaktsordning

Ynskjelege kvalifikasjonar:

• Relevant utdanning og /eller erfaring innan akvakultur (men ikkje eit krav)
• Sjømannskap/teknisk innsikt, fordel om du har D6, sikkerhetskurs, kran G20
• Er sjølvstendig og fleksibel, med evne til å stå på når det trengs

På jobb hos oss vil du arbeida i eit av dei leiande norske oppdrettskonserna i Noreg, eit spanande miljø der fokus er å gjera det me er best på, nemleg produsera laks.

Våre dedikerte medarbeidarar spelar ei særs viktig rolle for å sikre optimal drift på våre lokalitetar, og er alltid framoverlent for å yte maks for best mogleg produksjon.

Me kan tilby deg naudsynt opplæring, kjekke kollegaer, og varierte arbeidsdagar

Me oppmodar personar med lokal tilknyting om å søkja!

NORDSJØ FJORDBRUK AS

OM ALSAKER FJORDBRUK
Alsaker Fjordbruk er eitt av dei leiande oppdrettskonserna i Noreg, når det gjeld produksjon av laks.

Fokuset vårt er å gjera det me er best på!
Dette betyr at me konsentrerer oss om produksjon av laks; Frå innlegg av rogn, til settefisk og vidare til matfisk og slakteri. Sluttproduktet vårt er sløyd, fersk laks i kassar for den internasjonale marknaden.
Aktiviteten vår har sitt utspring i Sunnhordland, nærare lokalisert til Onarheim i Tysnes kommune. Her kjem friskt brevatn frå m.a. Folgefonna  og møter ein av Noregs rikaste fjordsystem – Hardangerfjorden.

Kontakt:
Øystein Brekke
Driftsdirektør
[email protected]
99210180

Tore Jacobsen
Driftssjef
[email protected]
40520160

Elektronisk søknad skal benyttes via "søk på stilling" knappen på siden.