Monica Smedsrud

Brenn du for leiing og fagutvikling i helse- og omsorgstenestene?

Publisert12.12.2025

Søk senest1.1.2026

Om stillingen

Me søkjer ein engasjert og utviklingsorientert avdelingsleiar til Post 1 Nord ved Bømlo bu- og helsesenter.

Du får ansvar for dagleg drift, fagutvikling og personalleiing i eit framtidsretta miljø – og ei sentral rolle i TØRN, eit nasjonalt prosjekt med fokus på berekraftige og attraktive arbeidsplassar i helse- og omsorgstenestene. Post 1 Nord har vore med i prosjektet dei siste to åra og er godt i gong med implementeringa. Målet for 2026 er å vidareutvikle langvakter, servicevertar og fagutvikling – ein spennande prosess du blir med på.

Som avdelingsleiar blir du med i eit engasjert leiarteam som samarbeider for å utvikle og styrkje sjukeheimstilbodet. Du får påverke retninga og utvikle deg som leiar.

Om avdelinga:
Post 1 Nord er ei stor langtidsavdeling med om lag 50 tilsette og 34 pasientrom fordelt på tre etasjar. Kvar etasje fungerer som ei gruppe, og vårt mål er å skape tryggleik og trivnad i eit positivt miljø for både bebuarar og tilsette. Me har god fagdekning, eit godt arbeidsmiljø og varierte arbeidsoppgåver.

Arbeidsoppgåver

Sikre oppfølging og implementering av kommunen sine planar, retningslinjer og arbeidsgjevarpolitikk.
Ha det daglege og overordna ansvaret for drift og leiing.
Utøve personalansvar og økonomistyring innanfor gitte rammer.
Utvikle og koordinere det faglege tilbodet i avdelinga.
Planleggje og følgje opp turnus.
Delta aktivt i leiargruppa ved BBH.
Bidra til rekruttering og arbeide for ein heiltidskultur.

Andre oppgåver kan bli lagt til stillinga avhengig av den tilsette sin kompetanse og interesser. Endringar i ansvarsområdet må kunne påreknast.

Kvalifikasjonskrav

Bachelor i sjukepleie eller vernepleie.
God skriftleg og munnleg framstillingsevne på norsk.

Relevant erfaring kan vege opp for formell utdanning.

Det er ønskjeleg at du har:

Relevant vidareutdanning og leiarerfaring.
Erfaring med endringsprosessar.
God digital kompetanse, inkludert erfaring med bruk av relevante digitale verktøy og system.
Kjennskap til offentleg forvaltning og gjeldande lovverk.

Personlege eigenskapar

Rausheit og engasjement i møte med bebuarar og tilsette.
God arbeidskapasitet og evne til å handtere ansvar.
Openheit for fleksible løysingar og endringsvilje.
Trygg og tydeleg leiing, der medarbeidarane får ansvar og tillit under trygge rammer.
Gode kommunikasjons- og samarbeidsevner, og bidrag til fellesskap og inkluderande arbeidsmiljø.

I vurderinga av søkjarane legg me vekt på utdanning, erfaring og personlege eigenskapar, samt motivasjon for stillinga.

Me tilbyr

Moglegheit til å vere med og forme ei teneste i utvikling.
Engasjerte tilsette i eit sterkt fagmiljø.
Leiarutviklingsprogram.
Gode offentlege pensjons- og forsikringsordningar.
Fleksibel arbeidstid.
Løn etter avtale.
Tilbod om medlemskap i velferdsklubb som gjev tilsettegoder.

Andre opplysingar

Det vert stilt krav om politiattest ved tilsetjing etter Helse og omsorgstenestelova § 5.4.
Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.
Ved ledig leiarstilling i tenesta kan søkjarane til denne stillinga bli aktuelle.

Synest du stillinga verkar spennande og passar med dine kvalifikasjonar? Då vil me gjerne høyre frå deg! Send søknaden elektronisk via Webcruiter.no og legg ved CV, vitnemål og attestar som dokumenterer erfaringa di. Ved behov må du kunne levere bekrefta kopiar.

Dersom du har spørsmål om stillinga og rekrutteringsprosessen, ta kontakt med verksemdleiar Monica Smedsrud.