Avdelingsleiar 

Om stillingen

NAV er inne i ein omfattande og spennande moderniserings- og endringsfase. Vi har no ledig fast stilling som avdelingsleiar for eit regionalt team som skal jobbe med oppfølging av sjukefråvær. Stillinga og avdelinga "Regionalt team sjukefråvær" vart oppretta i samband med eit utviklingsprosjekt, der organiseringa no er blitt fast i organisasjonen. Vi ser etter ein engasjert leiar som har lyst på utfordrande og meiningsfulle arbeidsoppgåver, og som er opptatt av å utvikle tenestene vidare etter prosjektperioden. Som avdelingsleiar får du ansvar for å leie avdelinga i tråd med sentrale og lokale føringar, sikre gode heilskaplege tenester innanfor ditt ansvarsområde, og saman med andre ivareta samfunnet sitt mål om størst mogleg yrkesdeltaking.

NAV Vestland er organisert i ni regionar. Region Sunnfjord består av NAV kontora i kommunane Sunnfjord, Kinn, Høyanger, Askvoll, Fjaler og Hyllestad. NAV-kontoret i Sunnfjord kommune er regionkontor for NAV region Sunnfjord.

Avdelinga for regionalt team sjukefråvær består av avdelingsleiar og ni rådgjevarar med kontorplass på dei ulike NAV-kontora rundt i regionen. Som avdelingsleiar vil du ha fag- og personalansvar for dei tilsette i avdelinga som arbeider ved kontoret i Førde og fagansvar for tilsette ved andre kontor. Du vil ha organisatorisk tilknyting til regionskontoret, og rapportere til regionleiar/NAV leiar i Sunnfjord. Du blir både ein del av leiargruppa i regionkontoret, og av leiargruppa for regionen.

Arbeidsoppgåver

• Fag- og personalansvar for avdelinga
• Vidareutvikle ny sjukefråværsmodell på tvers av NAV-kontora i regionen
• Sikre utvikling og kontinuerleg forbetring av tenestene 
• Sikre lik praksis og forståing av sjukefråværsarbeidet, her under vidareføre  drift og utvikling av avdelinga
• Sikre god samhandling med NAV-kontora i regionen og andre einingar i NAV for å levere samordna tenester til arbeidsgjevar med god kvalitet
• Vere pådrivar for å utvikle gode system og rutinar samt effektiv tenesteyting ved bruk av teknologi og digitale løysingar
• Legge til rette for kompetanseutvikling, innovasjon og kunnskapsbasert praksis
• Systematisk arbeid for å vidareutvikle avdelinga og sikre eit godt arbeidsmiljø
• Delta i saksproduksjon og oppgåveløysing i avdelinga etter behov
• Vere ein aktiv deltakar i leiargruppa i regionen
• Reising mellom kontor/lokasjonar i regionen etter behov

Det kan bli endring i arbeidsoppgåvene.

Kvalifikasjonar

Du må ha:

• fullført utdanning tilsvarande minimum bachelor. Relevant utdanning og/eller arbeidserfaring kan kompensere for kravet til utdanning.
• forståing av leiing i staten og NAV sitt samfunnsoppdrag
• leiareigenskapar i tråd med NAV sine verdiar og leiarkrav 
• god kunnskap om bruk av digitale verktøy
• god munnleg og skriftleg framstillingsevne
  

Det er ein fordel om du har:

• leiarerfaring eller formell leiarutdanning
• erfaring frå endrings- og utviklingsarbeid
• kjennskap til lokalt næringsliv
• erfaring frå arbeid med sjukefråvær 
  

Personlege eigenskapar

 Vi ser etter deg som:

• er strukturert
• samarbeider godt med andre
• har gode kommunikasjonsevner
• har interesse for leiing av endrings- og utviklingsarbeid
• er inkluderande og jobbar systematisk for eit godt arbeidsmiljø for dei tilsette
  

Vi tilbyr

• Meiningsfylte og utfordrande arbeidsoppgåver innanfor eit høgt prioritert samfunnsområde
• Aktive og engasjerte medarbeidarar som brenn for samfunnsoppdraget
• Statleg tilsetting med løn i stillingskode 1407 avdelingsleiar, med lønsspenn frå kr 657 300 til 708 000 pr. år (tilsvarande ltr. 67 - 71). Høgare løn kan vurderast for særs kvalifiserte søkjarar.
• God pensjonsordning gjennom Statens pensjonskasse (frå løna vert det trekt 2%).
• Fleksibel arbeidstid

Kontaktinformasjon

Magne Kjetil Berg, leiar NAV Sunnfjord, 99241911, [email protected]

Arbeidsstad

Hafstadvegen 40
6800 Førde

Nøkkelinformasjon:

Arbeidsgivar: NAV

Referansenr.: 4758001144
Stillingsprosent: 100%
Fast
Søknadsfrist: 03.03.2024