Avdelingsleiar

Om stillingen

Vi søkjer ein engasjert og entusiastisk avdelingsleiar med solid kunnskap innan psykisk helsevern som ønskjer å vere med å vidareutvikle verksemda og sikre framtidsretta og gode tenester til pasientane i opptaksområdet.  Stillinga rapporterer til klinikkdirektør og inngår i klinikken si leiargruppe.

Folgefonn DPS yter eit breitt tilbod av spesialisthelsetenester til personar med psykisk liding eller rusliding i kommunane Ullensvang og Kvinnherad. Det inkluderer poliklinisk og ambulant oppfølging, i tillegg til døgnbehandling.
Ein legg vekt på tverrfagleg behandlingstilnærming og gjev behandling med ulike terapiformer individuelt og i grupper. Folgefonn DPS har eit sterkt fagmiljø med spesialistar, legar, psykologar og klinisk behandlar personell som t.d. musikkterapeut,  fysioterapeut, sjukepleiar, sosionom og vernepleiar.

Folgefonn DPS  har eit godt samarbeid internt mellom einingane og med kommunehelsetenesta og andre instansar

Avdelinga har 54,22  årsverk  og eit brutto driftsbudsjett på  50,5 millionar kroner. Avdelingsleiar har totalansvar for avdelinga, det inneber ansvar for strategisk planarbeid i tråd med overordna målsetnadar, planar og føringar. Ansvaret inneber også ressursstyring og bemanningsplanlegging for å kunne kome i møte endringar i innbyggjarane sine behov for behandling. Og eit overordna ansvar for fag og kvalitet, personell, økonomi og drift

Arbeidsoppgåver

• Totalansvar for avdelinga ? fag og kvalitet, personell, økonomi og drift
• Leie og utvikle verksemda i samsvar med overordna målsettinga og strategi
• Sikre god kvalitet i pasientbehandling og rett medisinsk prioritering
• Sørgje for at klinikken skaper effektive pasientforløp gjennom god planlegging og samhandling internt og eksternt
• Sikre god koordinering av dagleg drift
• Sikre hensiktsmessig samhandling med primærhelsetenesta i opptaksområdet og andre einingar i klinikken
• Stimulere til opplæring, utdanning og forsking

Kvalifikasjonar

• Høgare helsefagleg profesjonsutdanning innan psykologi eller medisin
• Erfaring og god klinisk kunnskap om psykisk helsevern og tverrfagleg spesialisert rusbehandling
• Relevant leiarerfaring
• Erfaring frå endrings- og forbetringsprosessar
• Ønskjeleg med erfaring innan økonomi- og budsjettstyring
• Profesjonssamansetting i klinikkdirektør si leiargruppe vil bli vektlagt ved rekruttering
• Leiarutdanning, organisasjon og leiing, eventuelt økonomi

Personlege eigenskapar

• Evne til å sjå heilskap og god systemforståing
• Gode kommunikasjons- og samarbeidsevner
• Evne å involvere og vere ein samlande leiar
• Strukturert og med sterk gjennomføringsevne
• God arbeidskapasitet

Vi tilbyr

Hos oss får du:

• lønn etter avtale
• gode pensjons- og forsikringsordningar
• eit aktivt og triveleg arbeidsmiljø
• ein viktig og interessant jobb i norsk helsevesen
• ei leiarstilling med gode moglegheiter for fagleg og personleg utvikling
• eit fagmiljø med høg kompetanse

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Kenneth Eikeset, Direktør, +47 99513977

Arbeidsstad

Sjukehusvegen 26
5451 Valen

Nøkkelinformasjon:

Arbeidsgivar: Helse Fonna HF

Referansenr.: 4939680842
Stillingsprosent: 100%
Fast
Søknadsfrist: 20.04.2025