Jobbsafari
Sámi allaskuvla - Samisk høgskole

Arkiivaráđđeaddi/ seniorráđđeaddi

20 dager siden
OmrådeKautokeino
Søk senest23.7.2024
JobbdetaljerFast
Søk på jobb

Om stillingen

Virggi birra

Sámi allaskuvlla arkiivvas lea guovddáš rolla ásahusas ja mis lea dál ohcan láhkai gelddolaš virgi arkiivaráđđeaddin/ seniorráđđeaddin. Mii ohcat dál du gii leat veahkkái, iešheanalaš, systemáhtalaš ja nanus fágalaččat.
Arkiiva gullá Sámi allaskuvlla bargiidossodahkii ja virggehas raportere bargiidhovdii. Arkiivvas leat oktiibuot guokte ollesáiggi virggi. Bargiin lea lagas ovttasbargu IT- ja doaibmaossodaga bargiiguin ja muđui ásahusa ossodagaiguin. Sámi allaskuvla geavaha Public360 arkiiva- ja áššemeannudanvuogádaga.


Bargoviidodat

Virggehas doaibmá arkiiva ja dokumeanttahálddašeami fágalaš jođiheaddjin. Virggehasas lea ovddasvástádus jođihit arkiivabálvalusa strategalaš ja operatiiva dásis, ja ahte arkiivabálvalus jođihuvvo gustovaš láhkagáibádusaid vuođul.

Barggut leat earet eará:
-Plánet, koordineret ja doaimmahit arkiivafágalaš bargguid
-Ovddasvástádus hábmet ja máđasdoallat arkiivasuorggi siskkáldas bearráigeahču, arkiivaplána, rutiinnaid ja prosedyraid láhkagáibádusaid siskkobealde

-Raporteret, evalueret ja ovdánahttit ásahusa arkiiva- ja áššemeannudanvuogádaga, nu go omd. digitaliserenovdánahttimiid čađahit ja implementeret rievdadusaid ásahussii.

-Jođiheaddjiid ja áššemeannudeddjiid oahpahallat ja bagadallat

-Beaivválaš doaimmat, poastaregistreren, áššemeannudeapmi, dokumeanttaarkiveren jna

-eará doaimmat dárbbu mielde
Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.


Gelbbolašvuođagáibádusat

-Arkiivafágalaš dahje eará relevántta oahppu universitehta dahje allaskuvlla dásis mii unnimusat vástida bachelorgráda. Relevántta reálagelbbolašvuohta sáhttá buhtet oahppodásegáibádusa.

-Relevántta bargovásáhus

-Relevántta bargovásáhus almmolašsuorggis lea ovdamunni

-Hárjáneapmi elektrovnnalaš arkiiva- ja áššemeannudanvuogádagain ja dovdá NOARK- standárda

-Dovdá ja máhttá arkiivarelevántta lágaid ja láhkaásahusaid.

-Nanu IKT- gealbu

-Virgái gáibiduvvo buorre máhttu sámegielas ja ovtta skandinávagielas, sihke njálmmálaš ja čálalaš. Lassin ferte virggehas maid hálddašit eŋgelasgiela.

Persovnnalaš heivvolašvuohta deattuhuvvo. Mii ohcat du gii leat systemáhtalaš barggus ja geas lea beroštupmi arkiivafágalašbargguide ja dokumeanttahálddašeapmái. Don nákcet bargat ja jođihit bargguid iešheanalaččat, ja seammás leat dus buorit ovttasbargoattáldagat ja liikot jođihit ja oassálastit ovttasbargguide dárbbu mielde.
Dus lea stuora čađahannákca, válddát initiatiivva, leat dárkil ja gávnnat čovdosiid. Veahkkáivuohta ja čorgatvuohta gáibiduvvo.


Bálká

Virgi bálkáhuvvo oahpu ja ánssu mielde Stáhta bálkáplána 90.500 vuođul, čuovvovaš virgekodaid mielde. 

- ráđđeaddi virgekoda 1434, bálká gaskal 502 300 - 646 000 bc. 50 - 66

 - seniorráđđeaddi virgekoda 1364, bálká gaskal 575 400 - 692 400 bc. 59 -70

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas. Bálkkás gesso 2% geatnegahtton divat Stáda penšuvdnakássii


Mii fállat

Mii fállat earet eará: 

* Virggi mas ovdánahttinvejolašvuođat viiddis ja máŋggabealat fágabirrasis 

* Buori bargobirrasa gos lea stuora fokus alla kvalitehtii ja ovdánahttimii 

* Heivehahttii bargoáiggi ja máŋggabealat čálgofálaldagaid 

* Miellahttuvuođa stáda penšunkássas 

* Ealli sámegielbirrasa guovddáš sámi guovllus

* Vejolašvuođaid fágalaš ovdánahttimii.


Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin: 

*CV 

*Bargoduođaštusat

*Oahppoduođaštusat 

Mii bivdit du maiddái almmuhit 2 referánssa. 

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: [email protected] dahje riŋget telefovdnii: 75 54 22 20.

Ohcanáigemearri: 23.07.24


Oppalaččat

 Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde.

 Finnmárkkus lea sierra ortnet geahpedit lohkanloana ja vearrogeahpádus. 

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.


Máŋggabealatvuohta ja searvadahttin

 Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohcciid merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái. 

Dievdoolbmot ávžžuhuvvojit ohcat dásseárvo- ja vealahanlága § 9 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš ovddabeallái nissonolbmo dásseárvo- ja vealahanlága § 9 vuođul.


Oktavuođadieđut 

Eanet dieđuid virggi birra oažžu bargiidhoavddas May Kristin Utsi Vars tlf. +47 78448509 / +47 91385485, e-poasta: [email protected]


Sámi allaskuvla - Samisk høgskole

BedriftSámi allaskuvla - Samisk høgskole
Om bedriften

Et samisk universitet for fremtidens Sápmi - vi dekker kunnskapsbehovene i samiske samfunn. Sámi allaskuvla er en ledende samiskspråklig høyere utdannings- og forskningsinstitusjon som utvikler kompetanse på høyt nivå som bidrar til å fremme samisk selvbestemmelse, bærekraftige samiske næringer og samfunn.Med et allsamisk perspektiv er Sámi allaskuvla samlende for hele Sápmi, de samiske språkene og de samiske samfunnene. 

Ved Sámi allaskuvla skal alle føle trygghet. Sámi allaskuvla vandrer på kjente stier og tør samtidig å gå opp nye stier til nye områder. Sámi allaskuvla skal styrke samiske språk, verdier og kunnskapsgrunnlag, og er dermed også styrkende for de samiske samfunnene. Nå søker vi etter deg som ønsker å være med på å oppnå målene til vår virksomhet.

Søk etter flere lignende stillinger

Lignende stillinger